首页 > 报纸波经 > 东方日报>  正文
2020-09-07 本文来源:互联网
 波斯尼亚未回气吼细盘
2020/09/07文:渡边年

波斯尼亚巨汉 迪斯高(左)(Getty Images图片)

今晚A1另一场「双波战」,波斯尼亚主场斗波兰。波斯尼亚仲要靠老将迪斯高孭飞,4日踢2场未必回得切气;波兰冇咗神锋罗拔利云度夫斯基,锋力打折扣,佢哋近3场欧国联作客全开2球或以下,今场捧2.5球入球细。(国际财经台76、有线662、602及603台周二凌晨2时45分直播)

受到疫情影响,今次欧国联咁啱喺几大欧洲联赛开咧前进行,除法甲开咗波,英超同西甲本周就揭幕,跟住到意甲同德甲,各国领队唔多唔少都有啲压力,球员踢落都就住就住,尤其部分实力稍次嘅球队,通常要靠一、两位球星孭飞,所以第2场欧国联大家抱住咩心态应战,好影响赛果。

波斯尼亚同波兰正正係呢类球队,波斯尼亚要靠罗马前锋迪斯高,波兰就倚赖拜仁神锋罗拔利云度夫斯基。波斯尼亚上场爆冷打和意大利,就係由迪斯高先开纪录,但呢位队长成34岁,4日踢2场体力要求好高,肯定难顶。

波兰缺罗拔仔亦哑火
上月底踢完欧联决赛嘅「罗拔仔」获波兰批准休息,可惜冇咗呢位神锋,波兰变咗冇牙老虎,上场对荷兰全场捱打输0比1,控球率得36%及2次射门,今场都恶唔出样,佢哋近3场欧国联作客全开细,可以续追。