首页 > 报纸波经 > 东方日报>  正文
2020-07-19 本文来源:互联网
 

歐霸席位之爭皇蘇頂到馬體會

2020/07/19
  •  
  •  

 

 

 

除咗護級之外,西甲煞科另一焦點,必屬歐霸席位之爭,竟然仲有4隊有機會爭剩番1張入場券,其中馬德里體育會主場對皇家蘇斯達(圖右)值得留意。馬體會已穩奪歐聯入場券,唔慌會搏,相反皇蘇贏波即保住前6嘅歐霸席位,季尾波戰意行先,讓球客勝咪錯過。(Now 633周一凌晨3時直播)

第6至第9位隨時大執位

 

西甲嘅3個歐霸席位,原本係由第5及6位,以及西盃冠軍瓜分,但由於西盃決賽畢爾包對皇家蘇斯達,仍未定出比賽日期,若果未能喺8月頭舉行,西盃嗰張入場券就由第7位取代,當然一切言之尚早,現階段嚟講前6先肯定有資格。現時5哥維拉利爾領先7哥基達菲3分兼對賽佔優,肯定有份踢歐霸,而由第6至第9位嘅皇蘇、基達菲、華倫西亞及CF格蘭納達,只有2分差距,煞科日後隨時大執位。

 

 

講番馬體會對皇蘇,前者擺脫停擺前嘅低迷,復賽後10場取得7勝3和,現居第3位兼取得下屆歐聯入場券,可謂完成任務,嚟緊係等待歐聯重開再搏過,加上「新C朗」祖奧菲歷斯未好番,攻力受削。

 

 

另一邊廂,原本有力爭取前4嘅皇蘇,復賽後頻頻失分,好彩近期終於止跌,近5仗聯賽取得2勝2和僅1負,依家排第6位,領先7哥基達菲1分,即係話今仗只要贏波,就肯定保得住歐霸入場券,鬥心更勝馬體會,仲有得受讓,讓球客勝有計。