首页 > 报纸波经 > 东方日报>  正文
2020-05-23 本文来源:互联网
 2020/05/23文:笛子波童

艾宁夏兰特状态弗到漏。(Getty Images图片)

周六晚另一场德甲重头戏,禾夫斯堡主场迎战多蒙特。多蒙特上场「鲁尔区打吡」大炒史浩克04,联赛累积5连胜,而且佢哋近9次对禾堡赢8次,往绩一面倒,为保强势迎接下周中斗拜仁嘅榜首大战,今场作客唔衰得,热捧客W!

(Now 670、有线651及611台周六晚9时30分直播)

多蒙特上场对史浩克虽然收起查顿辛祖,但前线铁三角交到货,艾宁夏兰特及杜根夏萨特各有1入球及1助攻、祖利安白兰特则交出2个助攻,加上左翼衞拉菲尔古里路梅开二度,最终轻鬆大胜4比0,保持同榜首拜仁4分距离,下周三凌晨佢哋喺主场同拜仁上演冠军前哨战,如果今场失分,势必对士气造成严重打击,所以斗志唔使怀疑。

速战速决半场客胜值兼顾
禾夫斯堡上场凭补时入波作客2比1险胜奥格斯堡,连停摆前联赛已保持7场不败,不过除咗0比0打和RB莱比锡外,其馀6场对手全属中下游球队。事实上禾夫斯堡虽排第6位,但已落后第5嘅利华古逊11分,实力同前列球队有明显分野,而且佢哋对上9次斗多蒙特只得1和8负,畀对手剋死,闭门作赛冇球迷支持更难爆冷。

多蒙特除咗联赛5连胜,呢5场上半场都冇失波,有4次半场领先,为留力嚟紧对拜仁嘅大战,今场自然希望速战速决,除捧客W之外,分头较好嘅半场客胜亦值得兼顾。