首页 > 报纸波经 > 东方日报>  正文
2019-11-07 本文来源:互联网
进攻乏力苏B冇符
周五凌晨欧霸L组赛事,小组榜首曼联主场再斗柏迪逊。「红魔」进攻乏力未见改善,嚟到欧霸表现更保守,面对前场质素都唔算出色嘅柏迪逊,球迷想睇多几球入波都难,中位数2.5球细盘值博。

(MyTV Gold 303、Now 643、有线616及656台周五凌晨4时直播)

今季发挥一直欠缺稳定性嘅曼联,上场英超面对般尼茅夫,前线已摆出拉舒福特同安东尼马迪尔一对最强攻击组合,都冇办法攻陷对手,仲因为后防疏忽,结果输0比1痛失3分。领队苏斯克查亦冇晒计,又表示买人唔係最佳解决方法,现阶段只会尽量利用手上嘅人脚争取成绩。

其实曼联喺欧霸嘅对手相对较弱,后防压力冇咁大,今季分组赛3战2胜1和兼冇失波。只可惜进攻依然冇乜说服力,两场胜仗都係煲「鱼生粥」,包括上场作客凭12码小胜柏迪逊。再者曼联近5次主场比赛,全开2球或以下,今晚就算主场出击,睇怕都难搵大胜良方。

柏迪逊质素麻麻宁泊大巴
嚟自塞尔维亚嘅柏迪逊阵中虽有前曼联球员苏兰托锡同日本国脚浅野拓磨压阵,不过由上仗表现所见,佢哋对「红魔」防线造成嘅威胁有限,攻击质素认真麻麻,作客更唔预佢哋会攻,佢哋个小将柏路域仲公开承认呢场波只求1分,所以一定会踢得稳稳阵阵,中位数2.5球细盘咪走宝。