首页 > 报纸波经 > 东方日报>  正文
2019-10-09 本文来源:互联网
伤兵多兼有欧国外后顾
今晚重量级热身赛,德国喺多蒙特嘅西法伦主场对阿根廷。德国以往喺世盃恰死宿敌,但热身赛对赛就掉转,何况德军嚟紧周日晚会喺欧国盃外围赛作客爱沙尼亚,相反阿根廷冇大赛任务,大可去尽啲,受让半一黑柴推介下盘。

(香港开电视77台、有线662及602台周四凌晨2时45分直播)

德国目前喺欧国外C组领放,但只係同次席嘅北爱尔兰同分,及领先少踢一场嘅荷兰3分,现阶段冇失分空间,而且德国伤兵太多,原有嘅长长伤兵名单包括利莱辛尼、鲁迪格、哥列斯卡、达斯拿、尼高舒侯斯、泰路基拿同奇云查普继续缺阵外,另3名主力却奥斯、马菲亚斯真达同祖拿斯赫达都喺最近一轮联赛受伤齐申请免役,搞到主帅勒夫周日匆匆致电史浩克04中场苏奥沙达,同利华古逊中场拿迪安阿美利,首次补选佢哋入伍,成为勒夫带领德军所选用过嘅第101同102位球员,加上曾入选但未上过阵嘅哈化柏林中坚历卡斯史达克同弗赖堡前锋禾特舒密特,呢几位球员好有机会喺今晚首披国家队战衣。

阿根廷二线兵更勐
阿根廷3大王牌美斯、阿古路同迪马利亚继续冇入选,PSG箭头莫路伊卡迪亦唔喺阵中,不过用二线兵反而有惊喜,上月曾喺主场大炒墨西哥4蛋,效力国米嘅拿达路马天尼斯连中三元,呢位22岁箭头近两仗对巴塞同祖记都有波入,状态弗爆又有拚劲,随时比美斯或阿古路更有作为。

德国近届世盃决赛周恰死阿根廷,2006年8强赛和1比1射赢12码,之后一届又係8强碰头大胜4比0,到2014年两军争冠,90分钟互无纪录,德国加时凭马里奥葛斯绝杀捧盃。或者因为世盃受尽屈辱,阿根廷近年热身赛对德国特别落力,唔计2005年嘅洲际盃(赛和2比2),阿根廷近5次热身赛对德国获4胜1和,当中4次仲係德国主场,可见今晚德军让波靠唔住。