首页 > 报纸波经 > 东方日报>  正文
2019-09-09 本文来源:互联网
4战鱼腩先至全胜
欧洲国家盃外围赛C组爆发榜首战,北爱尔兰主场迎战德国,德国啱啱喺主场惨输畀荷兰,争小组首名形势变得好被动,今晚对住同组另一支争出线队伍北爱已不容有失。北爱现以4战全胜佳绩排榜首,但过去4仗对手全属鱼腩部队,完美成绩只係假象,整体实力同呢组两大热门德国、荷兰有一大段差距,今晚绝地反击嘅德国让一球、球半唔算多,黑柴撑上盘。
(有线662及602台周二凌晨2时45分直播)
德军上周五喺汉堡主场畀荷兰反胜4比2,搞到两回合对赛成绩亦落于下风,同组第3势力北爱尔兰变成佢哋首要压倒嘅目标,领队勒夫上仗嘅换人调动失败受到非议,今仗预期会排出较进取阵式,上仗赛前受伤嘅哥列斯卡同伤出嘅尼高舒侯斯,已经提早离队返国,但对整体战斗力影响唔大,中场主力甘美治赛前话唔会因为输咗一场波而过分担心,尤其今仗对手实力唔算强,德国今场只要取得令人信服嘅大胜,就可以令批评者收口,语气明显充满信心。事实上喺今年两次国际赛档期,德国都係一周双赛,两次都係第二场表现同成绩远胜第一场,相信今仗都唔会例外。
北爱两大锋将闹入球荒
北爱正处于多年来本身嘅高峰,世界排名升到29位,今年5场国际赛全胜,包括4场欧国外,但要留意嘅係所赢对手只係世界排名84嘅白俄罗斯同100位嘅爱沙尼亚,呢4场波佢哋取胜过程都唔算轻鬆。睇番北爱自去年起根本未碰过真正强手,喺欧国联遇过排名最高嘅只係27位嘅奥地利同42位嘅波斯尼亚,结果对呢两队主客共4战全部输晒,证明现时排名唔足以反映真正实力。佢哋上周中主场热身赛约战排名只係91嘅卢森堡,竟然只靠对手一个乌龙波至险胜1比0,前线两大主力拿菲迪同麦根尼斯今夏忙于转会影响备战,开季后齐闹入球荒,以现时状态遇「日耳曼战车」当然睇低一线。