首页 > 报纸波经 > 东方日报>  正文
2019-08-09 本文来源:互联网
揭幕战即抢诺域治
2019/20赛季英超周六凌晨开锣,打头阵嘅利物浦将会坐镇晏菲路球场,迎战新升班嘅诺域治。红军实力超强,「埃及文明」进攻组合早就证明有能力撕破任何防线,况且两军近年交手频频演入球骚,呢场中位数3.5球入球大值博。
(Now 611及621周六凌晨3时直播)
利物浦早前喺社区盾同曼城90分钟打成1比1,最终虽然互射12码不敌对手饮恨,不过经历激战一场,球员明显已经收拾季前备战嘅轻鬆心情,作战状态有所提升。红军今夏转会窗动作唔算大,皆因球队原班阵容无论默契还是实力都有保证,随住沙迪奥文尼踢完非洲盃之后已经回归大军,佢、罗拔图法明奴同穆罕默德沙拿所组成嘅「埃及文明」三叉戟组合已经齐章,加上福将奥历治,领队高普绝对可以做出唔同嘅进攻选择。
近6次交手5次开入球骚
阔别英超3季嘅诺域治,上季以英冠1哥身份取得直接升班资格重回英格兰顶级联赛,佢哋之所以可以喺次级联赛封王,同球队崇尚控球在脚嘅进取型踢法有好大关係,不过升到上嚟英超,面对整体实力更强嘅各路豪强,「金丝雀」以往嘅技术优势荡然无存,一班球员喺心态上能否适应转变,依然係未知之数。为咗增强竞争力,诺域治都引入咗前韦斯咸后衞森拜林等新兵,但最值得期待嘅,肯定係头号前锋迪姆普基嘅表现,芬兰人上季以29个联赛入球成为英冠神射手,今仗有佢担起进攻重任,诺域治随时以攻代守放手一搏。
况且诺域治近6次面对利物浦,有5次开4球或以上,今次对攻战在所难免,中位数3.5球入球大值得留意。