首页 > 报纸波经 > 东方日报>  正文
2019-06-11 本文来源:互联网
另一场欧国外C组赛事,周三凌晨德国主场摆下擂台阵,面对弱旅爱沙尼亚。实力强劲嘅德国,近年喺进攻上遇上樽颈,入球能力大不如前,面对擅守嘅爱沙尼亚,「日耳曼兵团」就算赢波都好难大炒对手,中位数4.5球入球细值得留意。
(有线605台周三凌晨2时45分直播)
德国近年主打嘅传控战术已经失效,尤其遇上摆出铁桶阵嘅对手,往往踢到好似老鼠拉龟,空有控球优势,具威胁埋门却少之又少,虽然近期决心改革,起用基拿比同利莱辛尼等翼锋大打反击,不过每次主场对住死守阵应战嘅弱旅,都好难发挥佢哋嘅速度优势,德国近8次主场出击只取3胜4和1负,其中有7次开3球或以下,包括仅以2比1击败实力麻麻嘅沙特阿拉伯,突破密集防守明显差啲计,呢场对住爱沙尼亚都好难炒得起对手。
吼中位数4.5球细盘
爱沙尼亚不嬲以整体防守见称,近5场作客取3胜1和1负,而且只失过3球,早前作客面对鱼腩分子直布罗陀,都只係仅以1比0小胜,睇得出佢哋踢法有几保守,呢场造访「日耳曼兵团」肯定摆出血肉长城死守,中位数4.5球入球细好路。