首页 > 报纸波经 > 东方日报>  正文
2019-05-12 本文来源:互联网
英超「2哥」利物浦今晚喺主场迎战狼队。「红军」上周中喺欧联4强反胜巴塞隆拿杀入决赛,创造「大奇迹日」,士气爆灯,王牌穆罕默德沙拿今场有望复出,力争神射手荣誉外更希望帮「红军」再创历史,利记上下目标鲜明,让球半、两球照捧2.05倍上盘!
(Now 622周日晚10时直播)
沙拿复出数胡抢金靴
利物浦依家落后曼城1分,争标形势虽然被动,但经过上场欧联反胜巴塞后,相信冇人敢讲「红军」输梗,只要今场佢哋早开纪录,必定会令同时间开波嘅曼城压力大增,趁住主场气势疯狂抢攻,希望绝境求存,赢得球会梦寐以求嘅首座英超奖盃。除咗冠军之争够激烈,今季神射手一样斗到最尾,沙拿依家喺射手榜以22球领先,阿古路、奥巴美扬及沙迪奥文尼则以20球紧随其后,相信沙拿及文尼今场都会力争士哥,绝对唔会锡身。
狼队今季虽有「Big 6杀手」美誉,不过季尾状态及战意都稍见跌Watt,何况佢哋今场无论输赢都笃定留守第7名,决心自然比唔上志切争标嘅利物浦。「红军」全季努力有冇收穫都係睇今铺,喺1分都不能少嘅情况下,领先1粒唔稳阵,让球半/两球照捧上盘。