首页 > 报纸波经 > 东方日报>  正文
2019-02-09 本文来源:互联网
今晚英超「双红」为争前4位置分途出击,其中早场有富咸主场斗「红魔」曼联。「红魔」喺苏斯克查带领下强势回勇,就算作客表现都唔失礼,呢场对住踢亲Big6球队都冇货交嘅富咸,曼联要全取3分话咁易,1.49倍客胜咪错过。
(Now 621周六晚8时30分直播)
英超前4争夺激烈,暂时以50分做住4哥嘅车路士,今轮要硬撼强敌曼城,好有失分可能,以48分紧随其后嘅曼联梗係唔执输,希望把握反超前嘅机会。查实「红魔」自从揾嚟名宿苏斯克查出任看守领队之后,昔日费格逊时代嘅魔性返晒嚟,各项赛事近10仗取9胜1和,近5仗作客仲大获全胜,当中包括先后击败热刺同阿仙奴两支顶级劲旅,表现够晒说服力。阵中一众球员状态有显着提升,上仗「红魔」就靠拉舒福特同保罗普巴联手炮製致胜球,1比0击败李斯特城。相反富咸今季8次面对Big6球队输晒,明显难同英超劲旅周旋,今场对住重生嘅「红魔」,随时难逃一劫。
阿仙奴炒哈有镬气
同样有机会争第4,仲包括作客面对哈特斯菲尔德嘅阿仙奴。积分榜包尾嘅哈特斯菲尔德虽然中途换帅,揾嚟德国少帅薛华特执教,可惜球队表现未见起色,近3仗联赛输晒之馀,仲1球都入唔到,其中包括上仗以0比5遭车路士血洗,整体实力认真唔掂,所以就算兵工厂近期联赛作客成绩唔算出色,但斋靠球员个人质素,要击败哈军绝对绰绰有馀,阿仙奴让一球照捧2.55倍让球客胜。
(Now 622周六晚11时直播)