首页 > 报纸波经 > 太阳报>  正文
2019-11-05 本文来源:互联网
H组榜首大战,车路士主场迎战阿积士。车仔上轮虽然作客击败阿积士全取3分,不过佢哋今季主场发挥冇作客咁好,而且佢哋依家对赛成绩好过阿积士,今场和波冇蚀底,主场让半一唔值博;车仔近6场主场只试过1次半场领先,踢法慢热,转捧半场和更明智。

(Now 644、有线602及662台周三凌晨4时直播)

车仔目前喺H组与阿积士3战同得6分,基于车仔上轮作客1比0击败阿积士,换句话讲,车仔只要今场唔输,一旦最终同分计对赛成绩,车仔肯定可以压过阿积士,形势上和波冇坏。车仔自从喺英超揭幕战输畀曼联0比4后,作客已喺各项赛事累积7连胜,追平咗球会最佳纪录,相反佢哋今季喺主场却经常失准,除咗欧联分组赛首战输畀华伦西亚0比1,上周中喺英联盃16强亦畀曼联踢出局,睇番佢哋对上6场主场比赛,只係喺英联盃对乙组仔甘士比试过半场领先,其馀5战上半场只得3和2负,入局慢难抢先机。

阿积士10场作客未输过
阿积士上轮分组赛虽喺主场全失3分,但表现唔算太曳,佢哋近2场联赛先后轻胜飞燕诺及施禾利,球员寓赛于操,可以专心应付今场榜首大战,而且阿积士今季喺各项正式赛事10场作客未输过,唔排除佢哋有机会喺主场偏弱嘅车仔身上抢分成功。既然今场胜负难料,不如转敲半场和,车仔头3场欧联分组赛全开半场和,有迹可寻值得再追。