首页 > 报纸波经 > 太阳报>  正文
2019-08-04 本文来源:互联网
斗唔齐脚Hea住当热身
话咁快英超下星期又返嚟,今个星期打头阵係社区盾。近年社区盾受重视程度愈来愈低,已沦为一场高规格热身赛,除主将唔保证上阵外,好多时更尽用六个换人名额收练兵之效,今晚曼城同利物浦喺温布莱交锋,既然两队都唔齐脚,乐比会拣兵源较充裕同状态较佳嘅1.8倍曼城客胜。
(周日晚10时开赛,马会网上文字直播)
利物浦今季阵容冇大变,主力阵容都喺番晒度,不过前线三叉戟「埃及文明」穆罕默德沙拿、沙迪奥文尼同罗拔图法明奴暑假分别要踢非洲国家盃同美洲国家盃延迟归队,开锣前都未有充足时间休息同准备,其中沙拿同法明奴都只係踢过一场热身赛,文尼更要到踢完社区盾至归队,由于呢三个球员主宰咗红军嘅进攻命脉,所以影响可谓非常大。
利物浦「埃及文明」踢唔足
睇番利物浦热身赛嘅成绩,冇咗「埃及文明」只係得2胜1和3负,两场胜仗都係头两场赢低组别球队,之后对多蒙特、西维尔同拿玻里即输波现形,即使法明奴同沙拿上仗复出即助利物浦击退里昂,但两人仅上阵30分钟同45分钟,高普今仗亦未必会冒险畀佢哋踢足全场。
当然,曼城嗰边亦有影响,迟咗归队嘅阿古路,加比尔捷西斯,艾达臣摩拉斯及马列斯据讲今仗亦未必会正选上阵,另外费兰甸奴亦有伤,不过曼城嘅板櫈深度真係好厚,一众新兵都力争上位,季前热身赛表现相当好。
事实上,曼城喺亚洲之旅显示出相当好嘅状态,取得3胜1和佳绩,好似史达宁,奇云迪布尼都相当弗,加上利莱辛尼续约一事似乎已接近完成,若成功挽留佢嘅话,曼城今季火力必继续强劲,今场一于捧佢旗开得胜!