首页 > 报纸波经 > 太阳报>  正文
2019-05-11 本文来源:互联网
阵容不整搏唔出样
周六晚英冠升班附加赛4强首回合,阿士东维拉主场同西布朗合演中部打吡。力争重返英超嘅西布朗,虽然保留大部分上季阵容,不过近期有多位主力缺阵,加上作客表现麻麻,今场面对维拉都唔敢冒进,捧番1.85倍入球细好过。
(周六晚7时30分开赛,马会网上文字直播)
上季由英超降班嘅西布朗,今季成功保留大部分原本主力,当中包括前威尔斯国脚笠臣简奴同英格兰中场积基李华摩亚,睇得出球队重返顶级联赛嘅决心。可惜笠臣简奴喺联赛最后一轮领红牌被驱逐离场之馀,仲要坐3场波监,今场升班附加赛可以唔使预佢。积基李华摩亚又受伤患困扰,今场上阵成疑,令西布朗实力大打折扣。
更不幸係西布朗主场成绩过差,主帅戴伦摩亚早前被球会问责炒鱿,而暂代看守领队职务嘅詹士辛虽然改善咗主场表现,不过作客成绩明显退步,近6仗作客仅取1胜1和4负,今场料会以守代攻,留待次回合返主场再斗过。
关键赛事踢得保守
上季升班附加赛决赛饮恨嘅维拉,今季靠联赛下半场发力豪取10连胜,再次抢得附加赛入场券,其中车路士借将谭美阿巴谦今季大爆发,成为维拉头号射手,可惜此子啱啱伤愈状态成疑,今场对住西布朗发挥难有保证。况且升班附加赛关乎球队前途,嚟到呢个关键时刻,维拉难免会踢得比较保守,佢哋近3仗附加赛就全开2球或以下,今场入球细值得再追。