首页 > 报纸波经 > 太阳报>  正文
2019-04-13 本文来源:互联网
今晚西甲好戏连场,其中「2哥」马德里体育会会喺主场迎战切尔达。马体会箭头迪亚高哥斯达因爆粗「问候」球证同佢家人,被重罚停赛8场提早收咧,切尔达亦有神箭伊亚高艾斯巴斯坐波监,两队都冇晒火,捧中位数2.5球嘅入球细最正路。
(Now 632周日凌晨零时30分直播)
「迪哥」停8场提早收咧
随着上轮榜首大战以0比2输畀巴塞隆拿后,马体会已落后「地上最强」11分,依家只剩番7轮,除非巴塞忽然崩溃,否则马体会要后上夺冠只得两个睇法,係淼茫同冇机会,因此佢哋战意绝对成疑。祸不单行嘅係,射手迪亚高哥斯达对巴塞时因不满球证曼辛奴判决,居然爆粗「问候」曼辛奴同佢阿妈,「迪哥」唔单止即时领红牌被逐,日前更被重判停赛8场,即係今季提早收咧,加上另一中锋艾华路莫拉达亦因伤缺阵,剩番基沙文一条友撑住锋线,料火力会大减。
另一边厢,切尔达有前锋伊亚高艾斯巴斯伤愈复出,佢近3仗入5粒,帮球队取得2胜1和令护级重现曙光,可惜呢位神箭累积黄牌够数,今仗要坐波监,令切尔达冇晒火,造访「床单兵团」一定玩死守,希望抢得1分得1分,捧细盘最上算。
至于早少少开波嘅巴塞作客包尾大幡侯尔斯卡,由于巴塞下周中要喺欧联8强次回合对曼联,因此可能喺今仗进行大轮换,有传美斯、拿杰迪锡、布斯基斯、苏亚雷斯都唔会随队,不过马尔甘及奇云保定等副选都有一定级数,今仗可恃质赢波,客胜有计。
(Now 632周六晚10时15分直播)