首页 > 报纸波经 > 太阳报>  正文
2019-03-15 本文来源:互联网
射手复出搵到食
周五下午澳职独脚戏,阿德莱德联将会主场硬撼联赛「1哥」珀斯光辉。阿联主场表现有保证,今仗仲有主力前锋米利奥斯历伤愈复出,重拾进攻火力,藉地利有力同珀斯光辉周旋到底,阿德莱德联下盘係好路。
(Now 639、有线615及655台周五下午4时50分直播)
阿联暂时于积分榜排名第5,佔据季后赛席位,不过只係领先排名第7嘅纽卡素喷射机得5分,加上受伤兵问题影响,近4轮联赛未赢过波,搞到主帅马高告斯都出现要执包袱走人嘅危机,好彩前锋米利奥斯历呢场及时复出,相信有力改善锋线乏力嘅问题。加上阿联主场成绩不嬲有交代,近6仗主场取3胜2和1负,呢场有望再靠地头优势抢分。
况且阿联阵前有好消息,就係球会主席云迪普尔寻日外游完毕,一返到阿德莱德就开记招,话会同主帅马高告斯坐低倾下未来大计,言下之意即係派定心丸,表明「告Sir」嘅帅位依然稳阵。同时,佢又宣布同马朗尼续约多一年,呢位32岁右闸属老大哥,係15-16年球季嘅夺冠功臣之一,相信此举亦可稳定军心。
光辉连续2仗失分
珀斯光辉联赛不败已经去到12场,不过近期状态有所放缓,尤其后防表现欠稳,多次畀对手偷鸡得手,继早前作客畀西悉尼流浪者逼和之后,上仗作客墨尔本城,都要去到临完场前,先靠迪亚高卡斯度嘅入波抢番1分,呢场面对靠主场搵食嘅阿联随时再有闪失,光辉作客让平半,捧番阿德莱德联下盘好过。