首页 > 报纸波经 > 太阳报>  正文
2018-11-08 本文来源:互联网
周五凌晨欧霸L组焦点战,巴迪主场硬撼车路士。车路士喺L组实力明显超班,呢场远赴白俄罗斯面对巴迪开波唔会同对手急,宁愿谋定而后动,去到下半场再一剑封喉致对手于死地,「半全场」和客系度士嘅心水推介。
(Now 643、有线602及662台周五凌晨1时55分直播)
以9分高踞L组1哥位置嘅车路士,出线形势大为乐观,因此呢场抢分任务唔算太迫切。尤其今季球队多线作战,对球员体能造成严重负荷,赛前领队沙利就考虑将岩岩伤愈嘅核心球星夏萨特,留喺英国休息。不过唔使担心,皆因除左呢位比利时攻击手之外,车仔队中包括巴克里同罗夫度斯卓克,近期状态同表现都大有改善,大大增加车仔嘅板凳深度。
巴迪必打守势波
相反坐镇主场嘅巴迪,喺小组依然有争次名出线嘅机会,呢场明知自己实力唔够车仔砌,开波初段都肯定会以守为主,作为近年欧战常客,相信呢支白俄罗斯劲旅应该有力顶住车仔半场攻势,不过去到比赛下半段守唔守得住就好难讲,所以呢场我对车仔赢波充满信心,如果嫌客胜太热,转捧半全场嘅和客,都系唔错嘅选择。