首页 > 报纸波经 > 太阳报>  正文
2018-11-07 本文来源:互联网
周四凌晨欧联分组赛,仲有G组柏辛域陀尼亚主场硬撼皇家马德里。皇马自看守教练苏拿利上任后,状态有所恢复,为证明卫冕欧联嘅决心,呢场面对实力欠奉嘅捷克球队柏辛域陀尼亚,细鬼觉得银河舰队肯定唔会留手,就算作客让到球半、两球,上盘都唔好错过。
(有线601及661台周四凌晨4时直播)
皇马近年喺功勳主帅施丹带领下,连续3届喺欧联称霸,创下难以複製嘅骄人战绩,早前接手嘅西班牙教练洛佩特吉就已经先身士卒,上任短短4个几月,就畀球队班主皮里兹弃用,依家惟有揾住前梯队主帅苏拿利做看守教练顶住先。不过皇马往往喺新帅效应影响下,都有唔错表现,近排已经抢得2连胜,其中获提携上一队嘅18岁巴西小将云尼斯奥斯祖利亚,连续2仗都有上阵表现抢眼,深得新帅赏识,呢场有望再次成为球队抢分嘅关键人物。
柏辛域陀尼亚输经验
相反喺国内联赛威到尽嘅捷克班霸柏辛域陀尼亚,去到欧联舞台明显唔够砌,今季分组赛3仗战罢只得1和2负喺积分榜垫底,而且佢的欧战经验同皇马根本冇得斗,呢场面对来势汹汹嘅欧联常客皇马,就算喺主场出击都难逃大败嘅厄运,所以细鬼都系更睇好皇马,捧番上盘好过。