首页 > 报纸波经 > 太阳报>  正文
2018-11-07 本文来源:互联网
正所谓换帅如换刀,皇马早前因战绩欠佳,最终怒炒教头洛佩特吉,暂时搵左二队主帅苏拿利顶住先,佢接任后2场赢晒兼冇失波,坚好脚头。「银河舰队」喺今晚欧联G组第4轮作客柏辛域陀尼亚,赢波机会高唱入云。
点解咁讲?首先,柏辛域陀尼亚都唔系好货色,佢的喺捷克联赛都只系排第二位,而喺今届欧联分组赛只得1分,于G组敬陪末席;最重要系皇马全面复甦,众将肯为苏拿利卖命,始终「银河舰队」级数超班,亦反映出早前成绩咁差,似系内部问题,只要呢班球星肯落力比赛,呢种「新帅效应」所造成嘅上升期,仍会持续一段时间,何况佢的只系与次席罗马同得6分,撞正鱼腩柏辛域陀尼亚必定趁机狂数。
小心拜仁留力国家打吡
至于E组次席拜仁慕尼黑主场对AEK雅典,拜仁与榜首阿积士同得7分,今仗遇弱必定以赢波为目标。不过呢支德甲班霸喺下场联赛要作客「1哥」兼宿敌多蒙特,唔排除今场对AEK赢紧1至2粒后,随时见好就收换走主力,为国家打吡留力做好准备,各位投注时要留意。