首页 > 报纸波经 > 太阳报>  正文
2018-11-06 本文来源:互联网
樱花残阵等收咧
周中日职开快车,两支深受降班威胁球队名古屋鲸鱼同柏雷素尔都会亮相,呢类季尾波都系战意行先,阿King睇好两支护级球队。名古屋鲸鱼作客大坂樱花,樱花有多名主力包括清武弘嗣、山村和也及酒本宪幸因伤倦勤,焗住「让半臂」之下,鲸鱼有力抢分,捧让球客胜。
(有线662及602台周二晚6时直播)
樱花原本有机会争入三甲玩下届亚冠盃,不过球队上周不敌鹿角,现时排第8,积分已被抛开,原则上馀下4场赛都系无欲无求,加上清武弘嗣嘅受伤,对球队系重大打击,呢名日本国脚有一人改变战局嘅能力,可惜呢次大腿受伤,令佢再度倦勤。
相反,现时排16位嘅名古屋鲸鱼阵中伤兵问题已见好转,对球队系好消息,佢的曾经取得联赛7连胜,但就因为伤兵问题,搞到球队近6场联赛只赢1场。不过佢的护级形势唔算十分差,比尾二嘅柏雷素尔多1分兼少踢1场,只要今场可以喺樱花身上抢到分就可纾缓直接降班威胁,受让值得一试。
鹿角留力亚冠明醒柏雷
同时间开波嘅柏雷素尔主场对鹿岛鹿角,鹿岛鹿角现时全副心机放晒喺嚟紧周六嘅亚冠盃决赛次回合,虽然首回合领先2比0,但作客西亚始终有一定风险,首回合之前嗰场联赛,鹿角都派出大量副选,相信今场亦会留力,要抢分护级嘅柏雷素尔有望主场赢波,上盘可取。如果柏军咁都唔把握机会抢分嘅话,阿King惟有祝佢的下季日乙一帆风顺。最后睇多场英甲华素尔主场对查尔顿,华素尔近期主场极旺大,近3场最少有4球交易,今场再追大盘。